புதன், நவம்பர் 22, 2017

குளவி பிஸ்கெட் வாங்கலியோ! குளவி பிஸ்கெட் - அருவருப்பான உணவுகள்



நம்ம ஊரில்  ஒருத்தர் கம்மங்கூழ்  விரும்பி குடிப்பார். ஆனா, அவரோட நண்பர், கைவிட்டு கரைக்குறதால, கூழை கண்டாலே குமட்டிக்கிட்டு இருப்பார். ஒருத்திக்கு சுட்ட கருவாடாவது இருக்கனும் சமையல்ல. ஆனா, அவளை கட்டிக்கிட்ட புண்ணியவானுக்கு நான் வெஜ்ன்னாலே அலர்ஜி. இந்த மாதிரி ஆளுக்காள், பிறந்து வளர்ந்த இடம், சூழலுக்கு ஏற்ப உணவு பழக்க வழக்கங்கள் வேறுபடும். ஆனா, நாம கனவில்கூட நினைச்சு பார்த்திராத உணவுகளை, அருவருப்பான உணவுகள்ன்னு இரண்டு பதிவில் பார்த்துக்கிட்டு வர்றோம். பார்க்காதவங்க ஓடிப்போய் பதிவு 1, பதிவு 2 னை ஓடிப்போய் பார்த்துட்டு வந்திடுங்க.  பார்த்துட்டு வந்தாச்சா?! வாங்க, இன்னிக்கு பதிவுக்கு போகலாம்....
ஷாங்காய் டின்னர்களில் பரிமாறப்படும் ஒரு வகை உணவு திகிலூட்டுவதா இருக்கு. இந்த உணவின் பெயர்  பிளட் கிளாம்ஸ்(Blood Clams). இதை சாப்பிட்ட 20 வினாடிகளில் ரத்த ஓட்டத்தை சீராக்கி, நல்ல சுறுசுறுப்பை தருமாம். ஆனா, இந்த உணவால் ஹெபடைடிஸ் ஏ மற்றும், ஈ, டைபாய்ட், வயிற்றுப்போக்கை உண்டாக்கும் வைரஸ்கள் மற்றும் பாக்டீரியாக்களின் இனப்பெருக்கத்தை விரைவில் தூண்டி உயிருக்கே சில சமயம் உலை வைத்துவிடும். உடலுக்கு மிகவும் முடியாதவர்களும், திரில்க்கு அலையும் சிலரும் இந்த உணவை உண்கின்றனர். இந்த உணவை தின்று கடந்த வருடம் மட்டும் 3 லட்சம் பேர் நோய் தொற்றுக்கு ஆளாகியதோடு 31 பேரும் இறந்தனர். இதைஅ சாப்பிட்டால் ஹெபடைடிஸ் நோய் உள்ளவர்கள் உயிரிழக்கும் வாய்ப்பு 15 % சதவீதம் அதிகமாகுமாம். பெரும்பாலும் இதை உண்பவர்கள் பெரும்பாலும் எதுக்கும் தயாரானா நிலையில் இருக்க வேண்டுமாம்.   


கால்விரல்  காக்டெய்ல்,
புளிப்பு சுவையாக்கப்பட்ட மனிதனி கால்விரலை எடுத்து அதை ஆல்கஹாலுடன் சேர்த்து குடிப்பது ஒரு சிலரின் ரசனை.  மனநோயாளிகளும், சைக்கோக்களும்தான் இப்படி குடிப்பாங்கன்னு நினைக்குறேன். ஆரோக்கியமான மனநிலையில் உள்ள மனிதன் எவன் இப்படி குடிப்பான்?!  ஊறுகாய் பதத்துக்கு மாற்றப்பட்ட கால்விரலை கிளாசில் போட்டு குடிக்குறாங்க,  இந்த பழக்கம் 1973 ஆம் ஆண்டில், கேப்டன் டிக் ஸ்டீவன்சன் என்பன் சில பையன்களின் கால்கட்டைவிரல்களை ஜார்களில் அடைத்து, நிலவொளியில் வைத்து,  சிலகாலம் கழிந்தபின், மதுவில் வைத்து குடிப்பானாம். இப்படித்தான் இந்த பழக்கம் வந்ததாம். இந்த புளிப்பு சுவையூட்டப்பட்ட கால் விரல்பகுதி மதுபான பழக்கம் 1920களிலிருந்தே இருக்கிறதென  அவரது குறிப்பில் இருக்கிறதாம்.  "நீங்கள் வேகமாக குடிக்கலாம், நீங்கள் அதை மெதுவாக குடிக்கலாம், ஆனாலும், உங்கள் உதடுகளை பெருவிரலை முத்தமிடும்ன்னு வர்ணிக்கிறார். ஐயோ கேட்கவே பயமா இருக்குல்ல!

மேலும், இதுபத்தின சுவாரசியமான கதை ஒன்று இருக்கு...  லிங்கன், லூயி மற்றும் ஓட்டோன்ற மூன்று சகோதரர்கள்,  இவர்கள் மில்லர் கிரீக் என்னும் இடத்திற்கு செல்லும்போது தடைவிதிக்கப்பட்ட ஆபத்தான பனிச்சரிவுகளை கொண்ட அலஸ்காவின்  பனிப்பிரதேசத்திற்குள் தவறுதலாக  நுழைந்துவிட்டனர். அங்கே கடுமையான பனிப்பொழிவு. லூயி தன்னுடைய காலை தவறுதலாய் பனியினுள் வைத்துவிட்டார்.  நீண்ட நேரம் போராடி தனது காலை வெளியில் எடுத்துவிட்டார்.  பின்னர் தன்னுடைய அறைக்கு திரும்பி வந்து தனது கால்களைப் பார்க்கும்போது கால் மரத்துப்போய் கட்டையாகி இருந்தது. உன் கால்விரல் அழுகிப்போய் உள்ளது. அது உன் உயிருக்கு ஆபத்தாய் முடியும். அதனை தவிர்க்க்க உன் கால்விரலை வெட்டிவிட வேண்டுமென கூறி லூயியின் கால்விரலை வெட்டி, அங்கிருக்கும் பரண்மேல் வீசிவிட்டார். காலங்கள் உருண்டோடி, 40 வருடங்கள் கடந்தபின்  அந்த இடத்திற்கு கேப்டன் டிக் ஸ்டீவென்சன் என்பவர் குடிவந்து, பரணிலிருந்த அந்த கால்விரலை கண்டெடுத்திருக்கிறார். அது மக்கிப்போய் புளிப்பு சுவையுடன் இருந்ததாம். அதை மதுவுடன் சேர்த்து குடிக்க தொடங்கினார். அப்படிதான் இந்த பழக்கம் வந்ததாம்!!!!!
பழம்தின்னும் வவ்வால் சூப் 
இது முழுக்க முழுக்க கைகளால் சாகசம் செய்யும் ஒருவகை உணவு. பழம் தின்னும் வவ்வால்களை நன்றாக கழுகி, அதை கொதிக்கவைத்த வெஜிடபிள் சூப் அல்லது தேங்காய்ப்பாலில் முழுவதுமாக வேக வைத்து சாப்பிடும்  முறையாகும். இந்தவகை உணவை சாப்பிடுபவர்கள் அதன் கண்கள் மூளை, குடல்ன்னு எல்லாத்தையும் சாப்பிடுவாங்களாம். ஆனா, இந்த எலும்பு, நகம் மட்டும் திங்க முடியாம தப்பிச்சுடுமாம்.. 
 
 ஜிங்  லீட்-Jing Leed   (Grasshoppers) – தாய்லாந்து 
பூச்சிகள் இனம், வெட்டுக்கிளின்னு எது கிடைச்சாலும் அதை பிடிச்சு ஒரு முறை சுத்தம் செய்து கழுவி,   சோயா சாஸ் மற்றும் தாய் வெள்ளை மிளகு தூள் ஒரு சிட்டிகை, சிறிது வெங்காயம், கொத்தமல்லி விதை பவுடர் மற்றும் பூண்டு  சேர்த்து செய்யப்படும் ஒரு வகை உணவு இது.இதனை சூடாகவோ இல்ல கூலாகவோ நம்ம விருப்பப்படி சாப்பிடலாம்.   இந்த உணவு செய்யவும் சில கண்டிஷன் இருக்கு.   தேயிலை செடிகளில் இருக்கும் பூச்சிகள்,  இறந்த   பூச்சிகளை சமைக்கக் கூடாது. சமைக்க ஆரம்பிக்கும்போது  பூச்சிகள் புதுசாவும்,  உசுரோடவும் இருக்கனுமாம். (என்ன கெரகம்டா இது?! எப்படியும் கொல்லத்தானே போறோம்?! அது செத்துப்போன பூச்சியா இருந்தால்தான் என்னவாம்?!)  இந்த பூச்சிகள்  1.25 "- 1.5" நீளமானதாகவும், 3.5 கிராம் அளவிலும் இருக்கனும். அதில்  14 முதல் 28 கிராம்  புரோட்டீன் உள்ளது பெண்களுக்கு...  30 முதல் 60 சதவிகிதம் வரை ஒவ்வொரு நாளும் தேவைப்படுகிறது.  ஆண்களுக்கு  தினசரி 25 முதல் 50 சதவிகிதம் வரை தேவைப்படுகிறது. இது இதய நோயிலிருந்து நம்மை காப்பாத்துதாம் இதில் அதிகப்படியான இரும்பு சத்துக்களும் இருக்காம்.

குளவி பிஸ்கேட்ஸ்  -ஜப்பான்
நம்மூர்ல பேக்கரில லைட் வெளிச்சத்துக்கு ஈ, வண்டு, விட்டில்பூச்சின்னு வரும். அது சிலசமயம் தவறி, நாம வாங்கும் பண்டத்துல வந்திடுச்சுன்னா கடைக்காரனை உண்டு இல்லன்னு பண்ணிடுவோம். ஆனா, ஜப்பான்ல, குளவியை சேர்த்து பிஸ்கெட் பண்ணுறாங்களாம். பொதுவா, நம்மூர் பிஸ்கட்டுல நிலக்கடலை, பாதாம், முந்திரிப்பருப்புதான்  சேர்ப்பாங்க. வெளிநாட்டில், சாக்லேட் க்யூப் சேர்ப்பாங்க. ஆனா, இந்த வபாய் உணவில் குளவிகளை பிடித்து சேர்த்து சாக்லேட், பிஸ்கட்டை தயார் செய்து,  இதை  அவங்க,விரும்பி சாப்பிடுவதோடு. நாம அருவருப்பா அதை பார்த்தா,  அதை சாப்பிட  கொடுத்து வச்சிருக்கனும்ன்னு கமெண்ட் வேற! சாமி நான் கொடுத்து வைக்காதவளே இருக்கேன் :-)

அடுத்து நாம பார்க்கபோறது Jing Leed (Grasshoppers) – Thailand ஜிங் -லீட் .  இது சிப்ஸ் வகையை சார்ந்த நொறுக்குத்தீனி, உங்களுக்கு வேணும்னா உடனே புக் பண்ணிடுங்க ஏன்னா இதுக்கு அவ்வுளவு டிமாண்ட் தாய்லாந்துல.... நம்ம ஊரு உருளைக்கிழங்கு, பலாப்பழ, வாழைப்பழ, ஆளிவல்லிக்கிழங்கு சிப்ஸ் போல பூச்சிகளை வறுத்து, சுவைக்கு உப்பு, மிளகுப்பொடி தூவி பரிமாறுறாங்க. இது மாலை நேரத்து உணவாம்!

இத்தோடு இந்த டாப்பிக் பதிவை முடிச்சுக்கலாம்ன்னு இருக்கேன். முடிஞ்சா இன்னொரு முறை இந்த டாப்பிக்ல பதிவு வரும். இப்ப நான் பிச்சுக்குறேன்,


நன்றியுடன்,
ராஜி

செவ்வாய், நவம்பர் 21, 2017

அழகாய் இருக்க ஒரு விரதமா?!

கல்வி, காசு, மரியாதை , வீரம் , வீடு , மனை,கால்நடை , வேலை , குழந்தை வரம், கணவன் மனைவி ஒற்றுமை, திருமணம்ன்னு ஒவ்வொன்றுக்கும் ஒவ்வொரு  விரதம் இருக்கு.  ஆனா அழகுக்கு?! ம்ம்ம் அதை கொடுக்கவும் ஒரு  விரதம் இருக்கு. அதுக்கு பேரு ' ரம்பா திருதியை ' . 

 ஒருமுறை, இந்திரலோகத்தில்  சபை கூட்டப்பட்டது.  அதுசமயம் விருந்தினர்களை மகிழ்விக்க இந்திரலோகத்தின் அழகு மங்கைகளான ரம்பை, ஊர்வசி, மேனகையை நாட்டியமாட இந்திரன் பணித்தான். ரம்பைக்கு  முதல் அழகி தான்தான் என மனசுக்குள் கர்வம் தலை தூக்கிய தருணமிது .  மூவரும் அற்புதமாய் நடனமாடினார். ஆனாலும், தன்னை சிறந்தவளாய் காட்டிக்கொள்ள, பரத விதிகளை மீறி  சுழன்று சுழன்று ஆடினாள் . இதன் காரணமாய் அவள் நெற்றி நெற்றிப்பொட்டும், பிறை சந்திரனும் கீழே விழுந்தது . 

அதனால் ரம்பை நிலைக்குலைந்து போனாள். இந்தக் காட்சியைக் கண்ட ஊர்வசியும், மேனகையும், ரம்பையைப் பார்த்து ஏளனமாய்  சிரித்து , அரங்கை விட்டு வெளியேறினர். அவர்களின் செய்கையை தனக்கு நேர்ந்த அவமானமாக கருதிய ரம்பை, கீழே விழுந்த நகைகளை  எடுத்துக் கொண்டிருந்தபோது, ‘இன்றைய  சகுனம் சரியில்லை.. சபை கலையலாம்’ என்று உத்தரவிட்டான் இந்திரன். ஏற்கனவே, ஊர்வசி, மேனகை செய்கையால் அவமானப்பட்டிருந்த ரம்பை இந்திரன் செய்கையால் மேலும் மனம் நொந்து போனாள் . ஊண் , உறக்கமின்றி தவித்த ரம்பை இந்திரனை சென்று சந்தித்தாள்.

‘இந்திரதேவா! நேற்று எனக்கு அவையில் நடந்த அவமானத்துக்கு பரிகாரம் செய்ய வேண்டும். அந்த சம்பவத்தால், என்னுடைய முதல் அழகி என்ற பட்டம் பறிபோய் விட்டதோ என்று அஞ்சுகிறேன்’ என்று கலங்கினாள்.  நடனம் என்பது விதிகளுக்கு உட்பட்டது.  நீ விதிகளை மீறி ஆடியதால், சிறிது காலத்துக்கு முதல் அழகி என்ற பட்டத்திலிருந்து விலகி இரு என அறிவுறுத்தினார். இதைக்கேட்டதும் , ரம்பை துடித்து போய் , தேவேந்திரா! தேவ உலகின் அதிபதியான நீங்கள் என்னை விலக்கி வைக்கலாமா?. அதற்கு பதிலாக என்னுடைய தவறை திருத்திக்கொள்ள, பரிகாரம் சொல்லுங்கள்’ என வேண்டினாள். அவளது மன வேதனையை உணர்ந்த இந்திரன், ‘சிவபெருமானை அடையும் நோக்கில், பார்வதிதேவி பூமியில் அவதரித்திருக்கிறார். அவர் ஒரு மகிழ மரத்தின் கீழ் தவம் இருக்கிறார். அந்த கவுரிதேவியை விரதமிருந்து வழிபாடு செய்தால் உனக்கு ஏற்பட்டுள்ள களங்கம் நீங்கும் என ஆலோசனை கூறினான். 


இந்திரன் ஆலோசனைப்படி, பூலோகம் வந்த ரம்பை, கவுரிதேவியைத் தேடினாள். பூலோகம் எங்கும் தீபங்கள் வரிசையாக ஒளிர்ந்து கொண்டிருந்தன. அது கார்த்திகை மாதம். அந்த ஒளியில் அன்னையை நம்பிக்கையோடு தேடிய ரம்பைக்கு அன்னையின் தரிசனம் கிடைத்தது. கார்த்திகை மாத அமாவாசைக்கு இரண்டாம் நாள் துவிதியை திதி. அந்த நாளில் மஞ்சளால் அம்பிகை பிரதிமையை செய்து வைத்து, விரத பூஜை செய்தாள் ரம்பை. மஞ்சள் கொண்டு அன்னையை வணங்கியதால் இந்த பூஜைக்கு ‘தீந்திரிணி கவுரி விரதம்’ என்ற பெயரும் உண்டு. தீந்திரிணி என்றால் மஞ்சள் என்று பொருள்.

ரம்பையின் பூஜையை ஏற்றுக்கொண்ட கவுரிதேவி, மறுநாள் அவளுக்கு சொர்ணதேவியாக காட்சி தந்தாள். ரம்பையை மீண்டும் தேவலோகத்தில் முதல் அழகியாக ஆகும்படி அருளியதுடன், அவளது அழகையும், ஐஸ்வரியங்களையும் இன்னும் அதிகமாக்கி அருள் செய்தாள். மேலும் ரம்பை இருந்த விரதம் ‘ரம்பா திருதியை’ என்று பெண்களால் தங்கத் திருவிழாவாக கொண்டாடப்படும் என்றும் ஆசீர்வதித்தாள். ரம்பைக்கு கவுரி தேவி காட்சிதந்தபோது, அழகுக்கு உரிய கார்த்திகேயனை மடியில் வைத்தபடி பொன்மேனியளாக இருந்தார். 

 ரம்பான்னா  வாழை என்ற அர்த்தம் .  நாலாபுறமும் வாழை மரங்கள் கட்டி, நடுவில் தேவியின் சிலை  அல்லது படம் வைத்து நன்கு அலங்கரித்து, மஞ்சளால்  பூஜை செய்து, அம்பிகையின் பாடல்களைப் பாடி, நிறைய வாழைப் பழங்களையும் பட்சணங்களையும் நிவேதனம் செய்து, பெண்கள், குழந்தைகளுக்கு  தானம் செய்து பூஜையை நிறைவு செய்ய  வேண்டும்.  
 தான் அழகாய் இருக்க வேண்டுமென நினைக்காத மனிதரில்லை . அதனால் ரம்பா விரதம் இருப்போம் . என்றும்  அழகாய் இருப்போம். 
நன்றியுடன்,
ராஜி

திங்கள், நவம்பர் 20, 2017

சிவப்பெருமான் மனசுல இடம் பிடிக்கனுமா?!

சீமந்தினி’ன்ற  ராஜக்குமாரி சிறந்த சிவ பக்தை. அவள் சிவனுக்குண்டான அனைத்து விரதங்களை முறையாக கடைப்பிடித்து வாழ்ந்து வந்தாள். ‘சீமந்தினி’சிவனை நினைத்து அந்நாளில் விரதமிருப்பதை அறிந்த திருடர் இருவர், அவளிடமிருக்கும் செல்வத்தை களவாட,  கணவன் மனைவிப்போல வேடமணிந்து,  அவளிடம் வந்து, அம்மா நாங்கள் இருவரும் தம்பதிகள், சிவ பக்தை கையால் உணவருந்துவோம்ன்னு அவளை நம்ப வச்சு அவள் வீட்டுக்குள் போனாங்க..  அவளும், அவர்களை சிவனடியார்கள் என நம்பி, வீட்டுக்குள் அழைத்து உணவு பரிமாறினாள். என்ன ஆச்சர்யம்!! உணவு உண்ட திருடர் இருவரில் ஒருவன் , பெண்ணாய் மாறி நிஜ கணவன் மனைவியாய் மாறினர். அழுது புலம்பிய அந்த திருடர்களை அழைத்துக்கொண்டு காட்டில் இருக்கும் முனிவரை சந்தித்து நடந்ததை சொன்னாள். அவரும் ஞானதிருஷ்டியில் நடந்ததை உணர்ந்து, அம்மா! நீ இன்று சோமவார விரதம் இருந்தாயா?! என வினவினார். ஆமாம், என உரைத்தாள் சீமந்தினி.  சோமவாரம் விரதம் இருப்பவர்களின் கையால் சாப்பிட்டல் செய்த பாவங்கள் அனைத்தும் விலகும்சுபிட்சம் ஏற்படும்சோமவாரம் விரதம் இருப்வர்களை எந்த துஷ்ட சக்திளும் அண்டாதுதீயசக்திகளிடம் இருந்து தப்பிப்பார்கள். என உரைத்ததோடு சீமந்தினியின் வேண்டுகோளின்படி அந்த திருடர்களை உருமாற்றி அனுப்பி வைத்தார்.



வசிஷ்ட மகரிஷிசோமவாரம் விரதத்தை தவறாமல் கடைபிடித்ததால், கற்புக்கரசியான  அருந்ததியை திருமணம் செய்தார்வசிஷ்டரை மறந்த இந்த உலகம் அருந்ததியை மறக்கவில்லை.  இன்றும் திருமணம் செய்யும்போது அருந்ததி பார்க்கும் வழக்கம் உள்ளது. அந்த சடங்குக்கு சொந்தக்காரி இந்த அருந்ததிதான்.
விபுன்ற அரசனுக்கு குழந்தை செல்வம் இல்லை. ஆட்சி, அதிகாரம், படைபலம், திரண்ட செல்வம் இருந்தும் தனக்கு பின் தன் நாட்டை கட்டி காத்து ஆள ஒரு வாரிசு இல்லையே என வருந்தி, ஒரு முனிவரிடம் சென்று தன் வேதனையை சொல்லி குழந்தை வரம் வேண்டினான்.  சோமவார விரதத்தின் மகிமையை சொல்லி,  மன்னா! இந்த விரதத்தை கடைப்பிடி. உனக்கு குழந்தை செல்வம் உண்டாகும் என ஆலோசனை கூறினார். பட்ட மரம் தழைக்குமா?! காலம் பல கடந்து, யௌவனம் மாறி முதுமை நெருங்கும் இக்காலத்தில் பிள்ளை உண்டாகுமா என மன்னனின் எதிரிகளின்  பேச்சை கேளாமல் இறை சிந்தனையோடு சோமவார விரதத்தினை கடைப்பிடித்ததால் அரசனுக்கும், அரசிக்கும் பிள்ளைப்பேறு உண்டானது. 

கீசகன் என்ற அந்தணர், பிச்சை எடுத்து வாழ்ந்து வந்தார். இறைவனே உலகம். அவனின்றி ஓர் அணுவும் அசையாது.   எது நமக்கு கொடுக்க வேண்டுமோ அதை நிச்சயம் கொடுப்பான் என்ற நம்பிக்கை கொண்டு சோமவார விரதம் இருந்தார். அதன்பலனாக, அவருக்கு பிச்சை அளித்தவர்கள் அவரிடமே உதவி கேட்கும் பெரும் செல்வந்தரானார். அதுமட்டுமின்றி, தான் அடைந்த வறுமையின் கொடுமையை வேறு யாரும் படக்கூடாதுன்னு எல்லா செல்வத்தையும் வாரி வாரி வழங்கினார். 


குசேலன் முன் ஜென்மத்தில் யாருக்கும் கொடுக்காத கருமியாய் இருந்து இறைவன் கொடுத்த எல்லா செல்வத்தையும் தானே  அனுபவித்து இறந்தான், அதனால், மறுபிறவியில் குசேலனாய் பிறந்து வறுமையில் அல்லல் பட்டான். அதேநேரம் கீசகன் குசேலனாய் பிறந்து இன்றளவும் செல்வத்துக்கு அதிபதியாய் உள்ளான். சோமவார விரதத்தை முறையாய் கடைப்பிடித்ததால் மூதேவியையும், எமனையும் தன்னிடம் நெருங்கா வண்ணம் இருக்கின்றான். 

தர்ம வீரியன் என்ற ராஜவம்சத்து இளைஞன் தங்குவதற்கு சிறுகுடிசைக்கூட இல்லாமல் அவதிப்பட்டு வந்தான் . அவன் சோம வார விரதம் இருந்ததன் பலன் மிகப்பெரிய சாம்ராஜ்யத்துக்கு அதிபதியானான்.  விரடன் என்ற திருடன் அரண்மனை களஞ்சியத்தில் களவாட, அவனை சிரச்சேதம் செய்ய மன்னன் உத்தரவிட்டான். தண்டனைக்கு பயந்து அவன், காட்டில் சென்று மறைந்துக்கொண்டான். அவனை, வீரர்கள் தேட, மரத்தில் ஏறி அமர்ந்துக்கொண்டான். மழையில் உடல் தூய்மையாகி,   பசிக்கு உணவில்லாமல் பகலெல்லாம் தவித்து, இரவில் காட்டில் கிடைத்த பழத்தை உண்டு ஜீவித்திருந்தான். அவ்வழியே வழித்தவறி வந்த பெண்ணை கண்டு அவளுக்கு வழிக்காட்டி நகரின் எல்லையில் விட்டு வந்தான். அவள் அந்நாட்டு இளவரசி, அரண்மனை சென்று தன் தந்தையிடம் நடந்ததை சொல்லி, தான் அந்த மனிதனை மணக்க வேண்டுமென கூற, தந்தையும் தீர விசாரித்து, அவனை திருத்தி அவனுக்கே மணமுடிக்க சம்மதித்தான். திருடனுக்கு தெரியாது, அந்த பெண், இளவரசியென்றும், அன்றைய தினம் சோமவார தினமென்றும்... அவன் அறியாமல் பசியோடு இருந்ததன் பலன், அந்த இளவரசியே அவனுக்கு மனைவியாகி, எந்த களஞ்சியத்தில் களவாடினானோ அந்த களஞ்சியமே அவனுக்கு சொந்தமானது. 


இப்படி சொல்லிக்கொண்டே போகலாம்,...  இத்தனை பலனை அளிக்கவல்ல சோமவிரதம் எப்படி உண்டாகிச்சுன்னு இனி பார்ப்போம்...  சந்திரன் தோன்றியது கார்த்திகை மாத சுக்லபட்ச அஷ்டமி திதியில். அவன் பெரியவன் ஆனதும் ராஜசூய யாகம் நடத்தி பெரும் புகழை அடைந்தான். அவனது புகழை கண்ட தட்சன், தன்னுடையை 27 பெண்களை கொடுத்தான், 27 பேரை மணந்தாலும், 27 பேரில் ஒருவளான, ரோகினி மீது மட்டும் மிகுந்த அன்பு கொண்டான். இதனால், மற்ற பெண்களை ஏறெடுத்தும் பாராமல் இருந்தான். தந்தை தட்சனிடம் சென்று எல்லா பெண்களும் முறையிட்டனர். தட்சன் சந்திரனை எச்சரித்தும் சந்திரனின் போக்கில் மாற்றமில்லை.  அதனால், அழகன் என்ற கர்வத்தால் என் பெண்களை அலட்சியப்படுத்தியதால், நாளுக்கு நாள் தேய்ந்து போகக்கடவது என சாபமிட்டான். 


தட்சனின் சாபத்தால் உடல் நாளுக்கு நாள் தேய்வதைக்கண்ட சந்திரன், சிவனை தஞ்சமடைந்தான். சந்திரன் மீது இரக்கம் கொண்ட ஈசன், அவனைத் தனது சடைமுடியில் வைத்துக் கொண்டார். சந்திரன் அன்று முதல் வளர்ந்தான். ஆனால் அதன் பிறகு தட்சனது சாபத்தால் தேய்ந்தான். இப்படியாக தேய்வதைக் கிருஷ்ணபட்சம் (தேய்பிறை) என்றும், வளர்வதை சுக்லபட்சம் (வளர்பிறை) என்றும் சொல்வr. சந்திரன், சிவபெருமானுடைய சடைமுடியில் போய் அமர்ந்து கொண்டது, ஒரு கார்த்திகை மாத முதல் சோமவாரம் ஆகும். அப்படி அமர்ந்த சந்திரன், சிவபெருமானிடம் ‘ஐயனே! சோமவாரம் தோறும் பூஜை செய்து விரதம் இருக்கும் மக்களுக்கு, நற்கதியைக் கொடுத்து அருள வேண்டும்’ என்று வரம் கேட்டான். சிவபெருமானும் அப்படியே அருளினார்.


ஒருமுறை கயிலை மலையில் சிவபெருமான், தேவர்கள், முனிவர்கள் புடைசூழ வீற்றிருந்தனர். அத்தருணம் பார்வதிதேவி அங்கு வந்து சிவபிரானைப் பணிந்து வணங்க, பதிலுக்கு எம்பிரானும் தமது தலைமுடியை அசைத்தருளினார். அதிலிருந்த சந்திரனைக் கண்ட , பார்வதிதேவி இறைவனிடம், சந்திரன் தங்கள் ஜடாமுடியில் அமர்ந்த மர்மமென்ன வினவ, அவன் சோமவார விரதம் கடைப்பிடித்ததன் பலன் என சிவன் சொல்ல, தனக்கும் அந்த விரதம் பற்றி சொல்லக்கேட்டு, பார்வதிதேவியும் சோமவார விரதத்தை அனுஷ்டித்தாள் என்கிறது புராணங்கள். 



பார்வதி தேவிக்கு சிவப்பெருமான் சொன்ன  சோமவார விரதம் கடைப்பிடிக்கும் முறை....

கார்த்திகை மாத முதல் கார்த்திகை மாதத்து திங்கட்கிழமை அதி காலையில் எழுந்து குளித்து முடித்த பிறகுசிவனை முதலில் வணங்கி . ஆலயத்திற்கு சென்று சிவனுக்கு வில்வ இலையிலும்,  அம்மனுக்கு குங்குமத்தாலும் அர்ச்சனை  செய்யவேண்டும். அன்னதானம் செய்வது அவசியம். வயது முதிர்ந்த தம்பதியை சிவன் பார்வதிதேவியாய் நினைத்து பாத பூஜை செய்து, உணவிட்டு அவர்களின் ஆசியை பெறவேண்டும்., அன்று முழுவதும் உபவாசம் இருப்பது நலம். மறுநாள் குளித்து முடித்து இறைவனை வணங்கி உணவு உட்கொள்ளலாம். இயலாதவர்கள் இரவு மட்டும் பால் பழம் அருந்தி விரதமிருக்கலாம்.  இவ்வாறு முறையாய், 6, 12 வருடங்களென சங்கல்பமிருந்து ஆண்டுமுழுவதும் வரும் அனைத்து திங்கட்கிழமைகளில் இவ்விரதத்தை கடைப்பிடித்து வந்தல், ஈசனுக்கு பிரியமானவராகி அனைத்து செல்வங்களையும் பெற்று வாழ்வாங்கு வாழலாம்...  ..


ஓம் த்ரயம்பகாய வித்மஹே ம்ருத்யுஞ்சாய தீமஹி!
தன்னோ பரமசிவ ப்ரச்சோதயாத்

சோமவார விரதமிருப்போம்.. 
இறை அருள் பெறுவோம்...

தமிழ்மணம் ஓட்டுப்போட வரிசை..

நட்புடன்,
ராஜி.

சனி, நவம்பர் 18, 2017

நம்பிக்கை வைத்தது தவறோ?! - படம் சொல்லும் சேதி

என்னத்த சொல்ல?!
தெய்வங்கள் எல்லாம் தோற்றே போகும் தந்தை அன்பின் முன்னே.....


காதல், மது மாதிரி சோசியல் மீடியாவும் ஒரு போதை ஆகிட்டுது...

 நம்மோட மகிழ்ச்சியை பணம்தான் தீர்மாணிக்குது...

 உயிர் கொடுத்த தந்தைக்கு உயிர் கொடுத்த மகள். எத்தனை பேருக்கு இந்த பாக்கியம் கிட்டும்?!

வாழ்வின் கடைசி கட்டத்தில் பணம் துணைக்கு இருக்காது.  

 நம்பிக்கை வைத்தது தவறோ?!
என் கண்ணை தொறந்து வச்சுட்டாங்கன்னு சொல்லுறது அர்த்தம் இதுதான்...

பின் குறிப்பு.... 
நோன்பு, ஊர் பயணம்ன்னு கொஞ்சம் பிசி மக்களே! அதனால நம்ப வூட்டுக்கு வராத புள்ளையோட வீட்டுக்கு நாம ஏன் போகனும்ன்னு கோவிக்காம வந்துட்டு போங்க. திங்க கிழமை முதல் உங்க வீட்டுக்கு வரேன்...


தமிழ்மணம் ஓட்டுப்பட்டை

நன்றியுடன்,
ராஜி 

வெள்ளி, நவம்பர் 17, 2017

புண்ணிய நதிகளில் குளித்தாலே பாவம் போகுமா?!


ஒருமுறை கைலாயத்தில் நம்ம சிவனும், பார்வதியும் பேசிக்கிட்டு இருந்தாங்க. அப்ப, பார்வதி சிவனை நோக்கி, மாம்ஸ்! புண்ணிய நதிகளில் நீராடினா பாவம் கரையும்ன்ற நம்பிக்கைல எல்லா நதிகளிலும் இத்தனை பேர் நீராடுறாங்களே! அப்ப அவங்க பாவம்லாம் நீங்கி  அவங்க புண்ணிய ஆத்மாக்களா ஆகிடுவாங்கதானே?!  அப்ப, பூலோகத்தில் யாரும் பாவிகளே இருக்கக்கூடாதுல்ல, ஆனா, அப்படி நீராடியும் பூலோகத்தில் பாவிகள் இருக்க காரணம் என்னன்னு கேட்டிருக்காங்க.  இந்த காலத்து ஆம்பிளைங்கக்கிட்ட கேட்டா, கோவிச்சுக்கிட்டு உனக்கு எது சொன்னாலும் புரியாதுன்னுட்டு போய்டுவாங்க. ஆனா, சிவன் தன் இடப்பக்கத்தையே தன்னோட டார்லிங்க் பார்வதிக்கு கொடுத்ததால, டியர்! உனக்கு சொன்னா புரியாது. வா நேரில் புரிய வைக்குறேன்னு சொல்லி, வயசான கிழவன், கிழவியா மேக்கப் போட்டுக்கிட்டு ஹாயா கிளம்பி பூலோகத்துக்கு வந்தார். 

காசிக்கு வந்து, அங்க பார்வதிக்கிட்ட, நாம நீராட கங்கையில் இறங்குவோம். நான் கங்கை வெள்ளத்துல அடிச்சுட்டு போற மாதிரி போறேன்.  நீ காப்பாத்துங்கன்னு கத்து. காப்பாத்த வர்றவங்கக்கிட்ட நான் சொல்லுற மாதிரி சொல்லுன்னு சொல்லி வெள்ளத்துல அடிச்சுக்கிட்டு போற மாதிரி சிவன் ஆக்ட் கொடுக்க, கூடவே பார்வதியும் சூப்பரா பர்பாமென்ஸ் பண்ண, கரையில் இருந்த பண்டிதர் உட்பட அனைவரும் வெள்ளத்தில் குதிச்சு காப்பாத்த தயாரானாங்க. உடனே, பார்வதி, மக்களே! எவனொருவன் பாவம் பண்ணாம புண்ணிய ஆத்மாவா இருக்கானோ அவங்கதான் என் புருசனை காப்பத்த முடியும்ன்னு சொல்லுது. ஒருத்தர் ஆண்டவனுக்கு தெரியாம கூட தப்பு பண்ணிடமுடியும், மனசுக்கு தெரியாம தப்பு செய்ய முடியாது. அதுப்போல தன் பாவங்களை உணர்ந்தவங்களாம்  டூ ஸ்டெப் பேக் அடிக்க, எங்கிருந்தோ ஓடிவந்த ஒருவன் கங்கையில் பாய்ந்து முதியவர் வேடத்திலிருந்த சிவனை காப்பாத்தி இருக்கார். 
அட, பாவமே செய்யாத புண்ணிய ஆத்மா யாருன்னு எல்லாரும் காங்கையில் குதித்தவனை பார்த்து எல்லாரும் வாய் அடைச்சு போய் இருக்காங்க. ஏன்னா, அவன் கொலை, கொள்ளை, கற்பழிப்புன்னு எல்லா பாவத்தையும் செய்ய அஞ்சாதவன். உடனே, கிழவியா வந்த பார்வதிக்கிட்ட எல்லாரும் சண்டை பிடிக்குறாங்க, என்னம்மா! நீ பாவமே செய்யாதவங்கதான் காப்பாத்த முடியும்ன்னு சொன்னே. இப்ப ஒரு படுபாவி உன்ற வூட்டுக்காரரை காப்பாத்தி இருக்கானேன்னு.. உடனே பார்வதியும் என்னப்பான்னு அவனை கேட்க, அதுக்கு அவன் சொன்னான், ஆமா, நான் பாவம் பண்ணவந்தான்,. ஆனா, கங்கையில் குளிச்சா பாவம் போகும்ன்னு கேள்விப்பட்டிருக்கேன். அப்படி பார்த்தா, நான் கங்கையில் குதிச்ச உடனே என் பாவம் போய் இருக்கும். இப்ப நான் புண்ணிய ஆத்மா, அதான் அவரை காப்பாத்த முடிஞ்சுதுன்னு சொல்லிட்டு போய்ட்டானாம். அப்ப, பாவத்தை செஞ்சுட்டு, செஞ்சுட்டு கங்கையில் போய் குளிச்சா பாவம் போய்டும்ன்னு குதர்க்கமா யோசிக்கக்கூடாது. நம்பிக்கையோடு, இறைவன் மேல் பாரத்தை போட்டுட்டு செய்யனும். அதை அந்த பாவி செஞ்சான். ஆனா, மத்தவங்கலாம் சும்மா சாஸ்திரத்துக்காக  குளிச்சவங்க. இப்ப தெரியுதா தேவி?! பூமியில் இன்னும் பாவிகள் இருக்க காரணம்ன்னு தன்னோட மனைவிக்கு புரிய வச்சு  கைலாயத்துக்கு போய்ட்டாங்க. 

பொதுவா கங்கை, யமுனை, சரஸ்வதி நதியில் குளித்தால் பாவம் கரையும் என்பது நம்பிக்கை. அதினினும் புனிதமானது  துலா ஸ்நானம். இது பாபத் துன்பம் போக்கி புண்ணிய பலனை அளிக்கும். ஏனெனில் கங்கை, யமுனை ஆகிய புண்ணிய நதிகள் இங்கு வந்து காவிரியில் குளித்து புனிதம் ஏற்றுச் செல்லும் மாதம் ஐப்பசி. அதனால் அப்புனித நதிகளின் பங்கும், இக்காவிரியில் கலந்துவிடுவதால், இந்த காவிரி நீராட்டம் பல மடங்கு நன்மையை ஐப்பசி மாதத்தில் அளிக்கிறது. ஐப்பசி மாதம் முழுவதும் இந்நதியில் நீராடுபவரும் உண்டு. இத்தமிழ் மாதக் கடைசியில் ஒரு நாளேனும் நீராடலாம் என வருபவர்களும் உண்டு. கடைசி நாளானதால் இதற்கு கடை முழுக்கு என்று பெயர்.



முடவன் முழுக்கு ...
பாவத்தின் பலனா முடவனா பிறந்த ஒருவன்,  வருந்தி,  இனி எப்பிறவியிலும் இந்த நிலை ஏற்படக்கூடாது ன்ற பிரார்த்தனையை முன் வைத்து, தொலைதூரத்தில் இருந்து  காவிரியில் நீராடக் கிளம்பினான். அவன்  தவழ்ந்து வந்ததால, ஐப்பசி மாதம் முடிந்து கார்த்திகை மாதமும் வந்திடுச்சு.  தன் நிலை நினைச்சு  அவன் மனம் அழுது புலம்பியது. தன் நிலை மாறாதா/! அடுத்த பிறவியிலும் தான் அல்லல் படனுமான்னு நினைச்சு  மனம் புழுங்கினான்.

அவன் புனித நதியான காவிரியையே எண்ணி வந்த இறை நம்பிக்கையின் காரணமா, ஓர் அசரீரி ஒலித்தது. இன்றைய  "இன்று தினம் கார்த்திகை முதல் தேதி ஆனாலும் பரவாயில்லை, காவிரியில் நீராடு, உனக்கு முழுமையான துலா ஸ்நான பலன் கிட்டும்" என ஒலிக்கிறது.  அத்துடன் இல்லாது, கார்த்திகை முதல் நாள் யார் காவிரி ஸ்நானம் செய்தாலும் அது துலா மாதம் முழுவதும் ஸ்நானம் செய்த பலனை அளிக்கும் என்றும் கூறி அருள் செய்தார். இந்த நிகழ்ச்சியின் காரணமாகவே கார்த்திகை முதல் நாள் "முடவன் முழுக்கு" ன்னு பேர் வந்திச்சு.

பொதுவா புண்ணிய நதிகளில் புனித நீராடுவதற்குன்னு சாஸ்திரங்கள் சில வழிமுறைகளை சொல்லி இருக்கு.  நீரில் கால் வைக்கும் முன், குனிந்து இரு கைகளாலும் நீரை ஒதுக்கி தூய்மை செய்ய வேண்டும். பின்னர் ஒரு கை நீர் கொண்டு தலையில் தெளித்துக் கொள்ள வேண்டும். கண்கள் இரண்டையும் துடைத்துக் கொள்ள வேண்டும். இரு கைகளிலும் கிண்ணம் போல் ஏந்தி நீர் மொண்டு, இறைவனை பிரார்த்தித்தபடி உட்கொள்ள வேண்டும்.
அதன்பின் முழுமையா  நீரில்  இறங்கலாம். சோப்பு, ஷாம்பு மாதிரியான காஸ்மெட்டிக் பொருட்களை பயன்படுத்தக்கூடாது. வாசனை பொடி, மஞ்சள் பொடி ஆகியவற்றை பயன்படுத்த தடை இல்லை. ஆற்றில் குடைந்து நீராடி, மூன்று முழுக்குப் போட வேண்டும். ஈரத்தோடு இடுப்பளவு நீரில் நின்று, இரு உள்ளங்கைகளையும் இணைத்து கிண்ணம் போலாக்கி நீர் மொள்ள வேண்டும். சூரியன் இருக்கும் திசை நோக்கி திரும்பி, இரு கண் மூடி, இறைவனை பிரார்த்தித்து, இரு கைகளில் உள்ள நீரை, அவற்றில் இடைவெளி வழியாக, இறைவனுக்கு அர்க்கியமாய் எண்ணி ஆற்றிலேயே விட்டுவிட வேண்டும். இது போல மூன்று முறை செய்ய வேண்டும். அங்கப்பிரதட்சணம் செய்வதென்றால் ஈர உடையோடு செய்யலாம். மற்றபடி, ஈரம் போக உடலைத் துடைத்து, உலர்ந்த ஆடை உடுத்தி, நெற்றிக்கு இட்டுக் கொண்ட பின்னரே கோயிலில் உள்ள இறைவனை தரிசனம் செய்ய வேண்டும். இதனால் குறைவில்லா புண்ணியம் கிடைக்கும் என்பது ஐதீகம்.
ஆடையின்றி ஆற்றில் நீராடக்கூடாது. அதேப்போல் நீர் நிலைகளில் எச்சில் துப்புவது, சிறு நீர் கழித்தலும் கூடாது. புண்ணிய நதிகளில் நீராடும்போது இறை சிந்தனையும், இறை தியானமும் முக்கியம் என்பது நம் முன்னோர்கள் வகுத்த நியதி. அப்படி காவேரியில் நீராட முடியாதவர்கள், தான் குளிக்கும் இடத்திலிருக்கும் தண்ணீரில் காவிரியை ஆவாகணப்படுத்தி, தாயே! நின்னை சரணடைகிறேன், என் பாவங்களை போக்கி என்னை புண்ணிய ஆத்மாவாக மாற்று என வேண்டிக்கொண்டாலே போதும். புண்ணிய நதிகளில் நீராடுவதன் முழு பலன் பிரம்ம முகூர்த்தத்தில் நீராடுவதால் கிடைக்கும். அப்படி முடியவில்லையென்றாலும், உச்சி வேளைக்குள் நீராடல் நலம். அதன்பின் நீராடுவதால் எந்த பயனும் இல்ல. அதேப்போல, இரவில் புண்ணிய நதிகளில் நீராடவே கூடாதாம்.

புண்ணிய நதிகளில் நீராடும் பாக்கியம் எல்லாருக்கும் கிட்டாது. அதனால, நம்ம வீட்டுலயே குளிக்கும்போது காவிரி, கங்கை அம்மனை மனசுல நினைச்சுக்கிட்டு குளிச்சு புண்ணியம் பெறுவோம்.

தமிழ்மணம் ஓட்டு அளிக்க..

நன்றியுடன்,
ராஜி.

வியாழன், நவம்பர் 16, 2017

பெண்களுக்கு தொல்லை தரும் க்ருஷ்ணன்

பால்ய கோலத்தில் வணங்கும் வினாயகர், முருகன், ஐயப்பன், க்ருஷ்ணர்ன்னு இருக்கும் தெய்வங்களில் வினாயகரும், ஐயப்பனும் பிரம்மச்சாரிகள் என்பதாலும், முருகன் பொறந்ததிலிருந்து அம்மாக்கள் கண்காணிப்பு, அப்புறம் போர், அதுக்கடுத்து கல்யாணம்ன்னு பிசியா இருக்குறதால அவரையும் யாரும் கண்டுக்குறதில்லை.  ஆனா நம்ம கிருஷ்ணன் அப்படி இல்ல. எப்பயும் சாக்லேட் பாய்,  அதான் எல்லா பொண்ணுங்களும் லவ்வுறாங்க இந்த கருப்பனை....

என் பிள்ளைகளுக்கு சின்ன வயசுல புரட்டாசி மாத 5  சனிக்கிழமைகளில் க்ருஷ்ணர் வேடமிட்டு சாமி கும்பிடுவோம். அதே மாதிரிதான் என்ற  எதிர் வீட்டு  கௌதமுக்கு வேடம் போட்டோம்.   நாமம் போட்டு அசிங்கப்படுத்திட்டேன்னும், துளசி மாலை போட்டதும் அது குச்சி குத்தினதும் கோவம் வந்திட்டு இந்த சின்ன க்ருஷ்ணனுக்கு.... எனக்கு பிடிச்ச போட்டோ இது.
நமக்கு பிடிச்சவங்க அடுத்த பெண்களை பார்த்தா வெட்டி போட்டுடலாம்ன்னு கோவம் வருது. இத்தனை அழிச்சாட்டியம் பண்ணியும் க்ருஷ்ணனை மட்டும் பிடித்து போக என்ன காரணமா இருக்கும்?!
உலகையே கட்டி ஆளும் இறைவனை,  சாதாரண  கயிறு கட்டி வைக்க முடியுமா?! இறைவன் கட்டுண்டது கயிறுக்கல்ல.. அன்புக்கு... இது ஏன் நம்மாளுங்களுக்கு புரிய மாட்டேங்குது!!!!

அவனை சுமந்து செல்ல அடியார்கள் ஆயிரக்கணக்கில் காத்திருக்க, அன்பை சுமந்தபடி க்ருஷ்ணன்...

இறைவனையே காதல் ஆட்டிப்படைக்கும்போது நாம் எம்மாத்திரம்?!

குழந்தை பருவத்தை ரசித்தபடி....
அன்புக்கு கட்டுப்படும் இறைவன் தீயவர்களை அடக்க முற்பட்டபோது...

தூணிலும், துரும்பிலும் இருக்கும் இறைவன் ஆசைப்பட்டவளுக்கு மரத்திலும் காட்சியளிப்பான்....

படியளிக்கும் எம்பெருமான் ரிலாக்ஸ் பண்ணும் தருணமிது....

ராதை, பாமா, ருக்மணி, பதினோராயிரம் கோபியர், ஆண்டாள், மீராவுக்கு அடுத்து யாரை தன்வசப்படுத்தலாம்ன்னு யோசிக்குறானோ மாயக்கண்ணன்?!
எதை கொண்டு வந்தோம்?! எதை கொண்டு சொல்லப்போகிறோமென  என வாழ்வின் நிதர்சனத்தை போதித்தபடி... 

நிழலும் அவனே! நிஜமும் அவனே! பார்க்கும் இடத்திலெல்லாம் நீக்கமற நிறைந்து என்னை ஆட்கொண்ட ராஜாதி ராஜனும் அவனே!

அவன்.....

தீராத விளையாட்டுப் பிள்ளை-கண்ணன்
தெருவிலே பெண்களுக் கோயாத தொல்லை. (தீராத)

தின்னப் பழங்கொண்டு தருவான்;-பாதி
தின்கின்ற போதிலே தட்டிப் பறிப்பான்;
என்னப்பன் என்னையன் என்றால்-அதனை
எச்சிற் படுத்திக் கடித்துக் கொடுப்பான். (தீராத)

தேனொத்த பண்டங்கள் கொண்டு-என்ன
செய்தாலும் எட்டாத உயரத்தில் வைப்பான்;
மானொத்த பெண்ணடி என்பான்-சற்று
மனமகிழும் நேரத்தி லேகிள்ளி விடுவான். (தீராத)

அழகுள்ள மலர்கொண்டு வந்தே-என்னை
அழஅழச் செய்துபின் “கண்ணை மூடிக்கொள்;
குழலிலே சூட்டுவேன்” என்பான்-என்னைக்
குருடாக்கி மலரினைத் தோழிக்கு வைப்பான். (தீராத)

பின்னலைப் பின்னின் றிழப்பான்;-தலை
பின்னே திரும்புமுன் னேசென்று மறைவான்;
வன்னப் புதுச்சேலை தனிலே-புழுதி
வாரிச் சொரிந்தே வருத்திக் குலைப்பான். (தீராத)

புல்லாங் குழல்கொண்டு வருவான்-அமுது
பொங்கித் ததும்புநற் கீதம் படிப்பான்,
கள்ளர்ல் மயங்குவது போலே அதைக்
கண்மூடி வாய்திறந் தேகேட் டிருப்போம். (தீராத)

அங்காந் திருக்கும்வாய் தனிலே-கண்ணன்
ஆறேழு கட்டெறும் பைப்போட்டு விடுவான்;
எங்காகிலும் பார்த்த துண்டோ?-கண்ணன்
எங்களைச் செய்கின்ற வேடிக்கை யொன்றோ? (தீராத)

விளையாட வாவென் றழைப்பான்;-வீட்டில்
வேலையென் றாலதைக் கேளா திழுப்பான்;
இளையாரொ டாடிக் குதிப்பான்;-எம்மை
இடையிற் பிரிந்துபோய் வீட்டிலே சொல்வான (தீராத)

அம்மைக்கு நல்லவன்,கண்டீர்!-மூளி
அத்தைக்கு நல்லவன்,தந்தைக்கு மஃதே,
எம்மைத் துயர்செய்யும் பெரியோர்-வீட்டில்
யாவர்க்கும் நல்லவன் போலே நடப்பான். (தீராத)

கோளுக்கு மிகவுஞ் சமர்த்தன்;-பொய்மை
சூத்திரம் பழிசொலக் கூசாக் சழக்கன்;
ஆளுக் கிசைந்தபடி பேசித்-தெருவில்
அத்தனை பெண்களையும் ஆகா தடிப்பான். 
(தீராத)

பாம்பே ஜெயஸ்ரீ குரலில் இப்பாடலை கேட்க இங்க சொடுக்கவும்.... 


 தமிழ்மணம் ஓட்டின் அலைப்பேசி லிங்க்

நன்றியுடன்.,
ராஜி.